सैनिक कबि पूर्व सैनिक नीं हूंदू , वु सदनि सैनिक हि रैंदू : सीएम धामी

मुख्यमंत्री धामिन राज्य स्थापना दिवसा रजत जयंती क मौका पर हल्द्ववनि कु एमबी पीजी कॉलेज मा उर्यूं पूर्व सैनिक सम्मेलन तैं सुरु कायी।

ऐ मौका पर मुख्यमंत्रिन सैनिक कल्याण विभाग कु पुनर्गठन अर विभाग तैं हौरि कुटकुटु बणौंणा घोषणा कायी अर बोलि कि विभागा काम करणा तरीकौं तैं हौरि छाळु बण्यें जालु जै से हरेक सैनिक कुटुम्दरि तक योजनौं कु फैदा पौंछि सक्यां।

मुख्यमंत्रिन सबि पैल्यक सैनिकौं फर फुळु क बरखा कायी अर राज्य निर्माण अर राष्ट्र सेवम ऊंकु योगदान खुणि ऊंकु अभिनन्दन कायी। उन्न बोलिकि उत्तराखण्ड मा हरेक कुटुम्दरि ब्वलदि कि ऊंका घार बिटि क्वीं भारत माता की सेवा मा च।
मुख्यमंत्रिन बोलिकि देवभूमि उत्तराखण्डा वीरभूमि च, जख कु माटम हि राष्ट्रभक्ति अर बलिदान की भावना भ्वरि च।

मुख्यमंत्रिन बोलिकि हल्द्वानिम सैनिकु का बच्चौं का वास्ता छात्रावास बण्यें जाणु च, जैमा सैनिक परिवारा बच्चों तैं अच्छी शिक्षा वास्ता रैंणा सुविधा मिललि।

मुख्यमंत्रिन बोलिकि फौजियों की जिन्दगि अनुशासन, समर्पण अर बलिदाना मिसाल च। उन्न बोलि कि “सैनिक कबि पूर्व सैनिक नीं हूंदू, वु सदनि सैनिक हि रैंदू।“

मुख्यमंत्रिन बोलिकि कि आज देसम सबि सैन्य उपकरण बण्यें जाणा छन।

सम्मेलन मा नैनीतालकि 31 अर ऊधमसिंह नगरा 13 वीर नारियों तैं मुख्यमंत्रिन शॉल अर स्मृति चिन्ह देकैकि सम्मानित कायी।