मुख्य सचिवन पीएमश्री अर लखपति दीदी योजना की समीक्षा कायी

मुख्य सचिव आनन्द बर्द्धनन सचिवालय मा पीएमश्री अर लखपति दीदी योजना की समीक्षा कायी।
मुख्य सचिव न बोलिकि उत्तराखण्डम भी पीएमश्री योजनक जन्न इस्कुळौं तैं आधुनिक बणौंणा वास्ता योजना चलौंण चैंद।
मुख्य सचिव न बोलिकि पीएमश्री योजनमा इस्कुळ तैं 5 सालु तक 40-40 लाख रुप्या दिये जन्दिन। जैमा इस्कुलु मा स्मार्ट क्लास, विज्ञान प्रयोगशाला, पुस्तकालय अर खेल सुविधा दिये जन्दिन। उन्न अधिकारियों तैं निर्देश दींन कि पीएमश्री योजना जन्नि प्रदेसम मंे योजना चलण चैंद, जै से इस्कुलु मा बच्चों की पढ़ै का वास्ता आधुनिक सुविधा दिये जाण चैंद। या से प्रदेस क सबि सरकरि इस्कुलु मा स्मार्ट क्लास, विज्ञान प्रयोगशाला अर पुस्तकालय बणौंणा क हौरि तेजी आली। उन्न क्लस्टर इस्कुलै सुरु करणा बात बि बोलि।

मुख्य सचिवन लखपति दीदी योजना क समीक्षा कायी उन्न बोलि कि लखपति दीदी योजना तैं हौरि जादा कटकुट बणौंणा वास्ता अर स्वयं सहायता समूह का बणैया उत्पादु मा तकनीक कु जादा इस्तमाल कैकि गुणवत्ता मा सुधारा वास्ता क्षमता विकास कार्यक्रम उर्यें जाण चैंदन। उन्न लखपति दीदी योजना की लगातार समीक्षा करणा निर्देश बि दींन। मुख्य सचिव न बोलिकि लखपति दीदी योजनम राज्य स्तरीय संचालन समिति अर राज्य स्तरीय निगरानी समिति कु गठन जल्दी कैकि बैठक उर्यें ज्यां। उन्न स्वयं सहायता समूह का उत्पादु तैं बजार मा,ई-कॉमर्स प्लेटफार्म, रिटेल चेन बणौंणा पर जादा से जादा काम करण निर्देश दीनं।

ऐ मौका फर प्रमुख सचिव आर. मीनाक्षी सुन्दरम, अपर सचिव विजय कुमार जोगदण्डे, मेहरबान सिंह बिष्ट अर सुश्री झरना कामठान अर हौरि बड़ा अधिकारी छायीं।