‘अर्बन नक्सल गैंग’ प्रदेसम जिहादी मानसिकता कु बातावरण बणाणा कोसिस करणु च: धामी
प्रदेसा राजनीति मा अब अर्बन नक्सल गैंग बि घुसिग्ये। या से प्रदेस सियासत मा घमाचूर मचिग्ये। मुख्यमंत्रिन धामिन एक मंच बिटि बोलिकि देस अर उत्तराखण्ड तेजी से विकास बाटौं पर अगनै बढ़दा जाणु च पर कुछ ‘अर्बन नक्सल गैंग’ प्रदेसम जिहादी मानसिकता कु बातावरण बणाणा कोसिस करणा छन।
मुख्यमंत्रिन बोलि कि उत्तराखण्डा राजनीति मा विपक्षा बयानबाजी से जादा खतरनाक अर्बन नक्सल गैंग ह्वेग्यायी। उन्न बोलि कि अब सरकार न त छ्वाड़लि अर न हि चुप राली अर ना हि यु तैं जग देलि।
मुख्यमंत्रिन बोलि जौ तैं जनता सत्ता बिटि भैर कै दे, वे आज प्रदेसा ज्वान अर बच्चौं कु कंधम बैठिकि राजनीति करणा छन अर प्रदेसा बातावरण तैं खराब करणा कोसिस करणा छन।
मुख्यमंत्रिन बोलिकि स्नातक स्तरीय परीक्षा मामला म हमन सीबीआई जांच आदेश दे याली। सरकान युवाओं कु सबि बात मानि याली, यांका बाद लोग ब्वना छन की सरकार युवाओंक् अगनै झुकी ग्यायी।
मुख्यमंनि बोलि युवाओंक् भवेष्या वास्ता सरकार सदनि त्यार च। उन्न बोलि कि यु अर्बन नक्सल गैंग तैं चितौंण छन कि ऊंतैं कबि सुफल नीं हूंण द्यालु।