इस्कुल्यम छ्वटा-छ्वटा नौना कु मजूरि (मजदूरी) करणा कु वीडिया ह्वे वायरल, शिक्षा विभागम घबड़ाट
देरादूणा एक सरकरि इस्कुलम वीडियो खुब वायरल हूंणू च। जैमा इस्कुल्या छ्वटा-छ्वटा नौना मजूरि (मजदूरी) करणा छन।
वीडियो देखिकि शिक्षा विभागम घपरोळ मच्यूं च। वीडियो मा साफ दिख्येंणु च कि इस्कुला छ्वटा नौना ब्यलचा, फोळा (फावड़ा), तसलु लेकैकि मुण्डम बजरी उठौंणा छन।
मामलु राजधानी देरादूणा राजकीय प्राथमिक विद्यालय टी स्टेट, बंजारावाला तोक कु बतै जांणु च। वीडियो मा साफ दिख्येणु च तीन-चार नौना तस्सलौं मा बजरी भौरिक इस्कुलम लिजाणा छन।
वीडिया सोशल मीडियम वायरल हूंणा बाद जिला शिक्षा अधिकारी (बेसिक) न बंजारावाला इस्कुला प्रधानाध्यापिका कु निलंबना आदेश दियाली। उन्न ये मामला म खण्ड शिक्षा अधिकारी तैं जांच करणा आदेश बि दियली। उन्न बोलि इस्कुलम इन्नि घटना कतै बर्दाश्त नी करे जाली।