‘स्वच्छ भारत, स्वस्थ भारत’ कु स्वींणा तैं पूरु करणु हम सब्यौं की जिम्मेबरि च : धामी

मुख्यमंत्री धामिन आज ‘स्वच्छोत्सव-2025 कार्यक्रम की सुरुवात कायी। ऐ मौका पर उन्न प्रधानमंत्री मोदी तैं जनमबार पर बधै द्यायी अर प्रधानमंत्री राजी-खुसी रैयां या कामना कायी। मुख्यंत्रिन सबि प्रदेसा रैवासियों तैं विश्वकर्मा जयंती शुभकामना द्यायी।

मुख्यमंत्रिन स्वच्छता अभियान सुरुवात कायी अर बूनु (झाडू) लगै कि सफै कु रैबार द्यायी अर सबि प्रदेसा रैवासियों तैं स्वच्छता अभियान से जुड़णा की विनति कायी। उन्न बोलिकि 17 सितम्बर बिटि 2 अक्टुबर तक सर्या प्रदेसम सेवा स्वच्छतका कार्यक्रम करे जाला। ऐ मौका पर उन्न राष्ट्रपिता महात्मा गांधी की मूर्ति पर फूल चढ़ैनि चढ़ैनि। कार्यक्रम मा उन्न स्वच्छता की सौं दिलै अर डाळु बि लगै।

मुख्यमंत्रिन बोलि कि प्रधानमंत्री मोदी क नेतृत्व मा स्वच्छता आंदोलन सर्या देस तैं एक नै दिसा द्यायी। स्वच्छोत्सव-2025 बि यीं दिसा मा एक सौं, एक आंदोलन अर औंण वलि नै पीढ़ि वास्ता स्वस्थ अर स्वच्छ भवेष्य कु बचन च। उन्न बोलि कि ‘ स्वच्छ भारत, स्वस्थ भारत’ कु स्वींणा तैं पूरु करणु हम सब्यौं की जिम्मेबरि च।

मुख्यमंत्रिन बोलि राष्ट्रीय वायु कार्यक्रम मा स्वच्छ वायु सर्वेक्षण मा नगर निगम देरादूण तैं सर्या देसम उन्नीसौं जगा मिलि। उन्न बोलि प्रदेसम अबि तक छै लाख से जादा शौचालय बण्यें ग्यीन।

मुख्यमंत्रिन बोलि कि स्वच्छता केवल एक सरकरि अभियान नीं च, बल यु हमरा संस्कार अर जिन्दगि जीणा हिस्सा च।
उन्न प्रदेसा सबि रैवासियों से विनति कायी कि अपणा घार, गौं तैं साफ रखणा की जिम्मेबर तैं समझयां।

ऐ मौमा फर कैबिनेट मंत्री सतपाल महाराज, गणेश जोशी, सुबोध उनियाल, सांसद श्रीमती माला राज्यलक्ष्मी शाह, मेयर सौरभ थपलियाल, विधायक श्रीमती सविता कपूर, नगर आयुक्त श्रीमती नमामि बंसल अर हौरि लोग छायीं।