पिथौरागढ़: एनएचपीसी पॉवर हौस टनल मा ह्वे लैंडस्लाइड

खळाखट हूंणि बरखक् कारण पिथौरागढ़ा धारचूला म एलागाड क नजीक एनएचपीसी पॉवर जल विद्युत परियोजना तैं भारी नुकसान ह्वे। खबर च की धारचूला एनएचपीसी पॉवर हौस क टनल मा लैंडस्लाइड ह्वेग्ये। यां से टनला भितर 19 कर्मचारी अर अधिकारी फसीं ग्यींन। जिला प्रशासन तैं या खबर दिये ग्यायी जैैका बाद राहत अर बचाव टीम पौंछि अर 8 कर्मचारियों तैं भैर निकले ग्यायी।

जिलाधिकारी बतै कि प्रशासन अर बीआरओ न राहत बचाव कु काम सुरु क याली। सुरंगा मुख बिटि मलबा हट्ये जाणु च। उन्न बोलि कि 8 कर्मचारी तैं भैर निकले ग्यायी अर अबि 11 लोगु भितर छन।