उपराष्ट्रपति कु इस्तीफा किलै द्यायी, प्रधानमंत्री अर उपराष्ट्रपति हि समझि सकदन

सर्या देसम उपराष्ट्रपति जगदीप धनखड़ा इस्तीफा बाद घमाचूर मच्यूूं च। राजनीतिक तोकम खूब चर्चा हूंणि च। कांग्रेस पार्टी सवाल उठौंणि च अर ब्वलणि च कि देस तै। यु जणणा कु अधिकार च कि उपराष्ट्रपति धनखड़ न अपण पद बिटि इस्तीफा किलै द्यायी?

उपराष्ट्रपति जनदीप धनखड़ इस्तीफा बाद अब उत्तराखण्डा पैल्यक मुख्यमंत्री हरीश रावतन बोलि कि उपराष्ट्रपति कु इस्तीफा अचाणच नी च, उन्न बोलि कि इस्तीफा पिछनै कारण बौत गैरा छन, ऐतैं प्रधानमंत्री अर उपराष्ट्रपति हि समझि सकदन।

हरीश रावतन बोलि कि मितैं झकबक करणु च यु एक सोचि समझु लगणु च किलैकि सर्या दिनमान काम करण बाद, जब ऊंका द्वी तीन दिनका कार्यक्रम तय छायीं। ब्यखुनी दा 7.30 बजि तक विपक्षा नेतों दगड़ि बात कायी अर राति 9 बजितक इस्तीफा खबर ऐग्यायी।
हरीश रावतन बोलि कि संसद सत्र कु पैलु दिन, वु बि जब प्रधानमंत्री विदेस जाणा त्यरि करणा छन, आप इस्तीफा दिंणा छा।
उन्न बोलि यांका बाद उपराष्ट्रपति पदा वास्ता कुछ नौं पर चर्चा सुरु ह्वेग्ये, जैमा सबसे जादा नौं बिहार बिटि छन।