राज्य निर्वाचन आयोगन सोमबार खुणि 2 बिजि तक चुनौ सिंबल दींण पर रोक लगै

राज्य निर्वाचन आयोगन प्रदेसम पंचैत तैं लेकैकि एक बडु फैसला कायी। आयोगन अब सोमबार खुणि सिंबल दींण पर 2 बिजि तक रोक लगै दे।

राज्य निर्वायन आयोग न यु फैसला हाईकोर्टा वे आदेस पर कायी जैमा निकाय अर पंचैत क्षेत्रम द्वी जगा बोटर लिस्टम नाम वला लोगु पर चुनौ लड़ण पर रोक लग्यें ग्यायी।

बतै दियां कि पंचैत चुना क दौरान हाईकोर्टम एक जनहित याचिका पर सुणै इन्न लोगु पर चुनौ लड़णा खुणि रोक लगै जौंका निकाय अर पंचैत द्वीय जगा बोटर लिस्टम नौं छन।

सोमवार खुणि प्रदेसा 12 जिलौं मा आयोग न प्रत्याशियों तैं सिंबल दिंणा छायीं। हाई कोर्टा आदेसा बाद आयोग बि अकबक हूयूं छायीं। इन्न मा आयोगन सिंबल देंणा बारम सोमवार 2 बिजि तक रोक लगै दे।