ऑपरेशन कालनेमि , एक बांग्लादेसी मनखि अर साधुक भेस म धूमणा 25 ढोंगी बाबा पकड़े ग्येन

देरादूण। उत्तराखण्डम साधुक् भेस म धूमणा ढोंगी बाबौं का खिलाप मुख्यमंत्री धामिन ऑपरेशन कालनेमि चलौंणा निर्देश दींन। ऑपरेशन कालनेमि सुरु हूंणा बाद देरादूण पुलिस ढोंगी बाबाओं पिछनै प्वोड़िग्ये।

यू काम करणा खुण देरादूण एसएसपी अजय सिंह न आज सुरुवात कायी। देरादूण पुलिसन ऑपरेशन कालनेमि क जरिया बाबाओं का भेसम घूमणा 25 लोगु तैं पकड़ि। जैमा बांग्लादेसी रैवासी बि छन। एसएसपी देरादूणन सबि थाना प्रभारियों तैं लोगु धार्मिक भावना दगड़ि खिलवाड़ करण वला ढोंगी बाबौं की पछ्याण करण खुणि बोलि।

एसएसपी अजय सिंहन बोलि कि देवभूमि म लोगुक भावना अर आस्था दगड़ि खिलवाड़ अर ऊंतैं ध्वका देंण वला नकली भेसधारी बाबौं का खिलाप ऑपरेशन कालनेमि सुरु करे ग्यायी। मुख्यमंत्री धामिन ऑपरेशन कालनेमि चलौंणा निर्देश दीं।
एसएसपी अजय सिंह न सबि थाना प्रभारियों तैं अपणा-अपणा थानों म इन्न मनखि, जु साधु संतु का भेसम लोगु तैं खास कैथ्क ब्यटुळों व ज्वानु तैं भ्रमैकि ऊंकी अपणि समस्या अर घर्या दिक्कतु तैं ठीक करणा बारम झूठ बोलिकि ऊंतैं लूटणा कु काम करदन, इन्ना लोगु की पछ्याण कैकि ऊंका खिलाप कारवै करणा निर्देश दींन। एसएसपी न आज नेहरु कलौनी थाणा म जैकि साधुक भेसम सड़कि कुणौं पर बैठ्या लोगु से पूछताछ कायी। जब सै जवाब नीं मिलि। ऑपरेशन कालनेमि जरिया पुलिसन 25 ढोंगी बाबौं तैं पकड़ि। जैमा सहसपुरम बाबा भेसम धूमण वलु एक बांग्लादेसी मनखि तैं पुलिसन पकड़ि।