2027सम 60 पार कु नारा दगड़ि जीत हासिल करला : महेन्द्र भट्ट
महेंद्र भट्ट दुबरा उत्तराखण्ड भाजपा कु अध्यक्ष बणि ग्यींन। अध्यक्ष बणणा बाद उन्न 2027 कु विधानसभा चुनौ मा 60 पार कु नारा दे द्यायी। उन्न बोलि भाजपा 2027 मा लगातार तिसर दा सरकार बणलि।
निर्विरोध प्रदेस अध्यक्ष बणणा बाद महेन्द्र भट्ट भाजपका बड़ा नेता कु अभार बोलि अर बोलि कि प्रदेस प्रभरी न सदनि उत्तराखण्ड म पार्टी संगठन तैं कुटकुटु कायी।
महेन्द्र भट्टन बोलि कि पंचैत चुनौ का वास्ता जल्दी उमेदवारु क घोषणा करे जाली। उन्न बोलि यांका वास्ता हमन रणनीति बणै याली।
महेन्द्र भट्टन बोलि कि पंचैत चुनौ मा हरेक ग्राम पंचैत म टकटुकु कार्यकर्तों तैं चुनौ लड़ौंणु अर जिताणु हमरु लक्ष्य च। उन्न बोलि यां से बड़ी चुनौती 2027 विधानसभा चुनौ म तिसर दा जितणु च। उन्न बोलि 2027 म 60पार कु नारा दगड़ि जीत हासिल करला।