मुख्यमंत्री धामिन ऑल इंडिया ऑयल सेक्टर मीट मा ल्यायी भाग अर बोलि स्वच्छ अर हरित ऊर्जा तैं बढ़ावा दिये जाण चैंद

मुख्यमंत्री धामि आज ओएनजीसी कम्युनिटी सेंटर देरादूणम उर्यूं ऑल इंडिया ऑयल सेक्टर मीट मा भाग ल्यायी। अर बोलि कि प्रधानमंत्री मोदी क नेतृत्व मा प्रदेस सरकार इकॉनमी, इकोलॉजी अर टेक्नोलॉजी म समन्वय क दगड़ि ग्रीन एनर्जी तैं अगनै बढ़ौंणा कु काम करणु च।

प्रदेसम मुख्यमंत्री सौर स्वरोजगार योजना क जरिया स्वच्छ अर हरित ऊर्जा तैं बढ़ावा दियें जाणु च। प्रदेसम टिरी, कोटेश्वर, पीपलकोटी, लखवाड़, विष्णुगाड़ जन्नि जल विद्युत परियोजना उत्तराखण्ड तैं ऊर्जा हब बणौंणा कु काम करणि छन। प्रदेसम जियोथर्मल क तोक म बौत सम्भौवना छन, जै पर प्रदेस सरकार खळाखळ काम करणि च।

मुख्यमंत्रिन बोलि कि प्राकृतिक संसाधन कै बि देस तैं अगनै बढ़ौंणा वास्ता बड़ु काम करदु। ईधन, देसा विकास दगड़ि हमरि रोजा जरूरत तैं बि पूरु करदू।
मुख्यमंत्रिन बोलि कि देस कु कच्चु तेल कु कुल उत्पादन कु 70 प्रतिशत अर प्राकृतिक गैस उत्पादन कु 84 प्रतिशत योगदान ओएनजीसी भारता ऊर्जा सुरक्षा म अपणि बड़ी भूमिका निभौंणि च।

मुख्यमंत्रिन बोलि देस 2047 म विकसित भारत बणणा कु सौं लेकैकि अगनै बढ़णु च।

मुख्यमंत्रिन बोलि कि तेल एवं प्राकृतिक गैस क तोकम बौत काम करे ग्यीन।
वन नेशन, वन ग्रिड क अंतर्गत गैस पाईप लैन कु विस्तार करे ग्यायी। उज्ज्वल गैस योजना जन्नि योजना न समाज म क्रांति ल्याणा कु काम कायी। तेल उत्पादन खुणि बि नीति तैं बि लागू कायी। भारतन विदेसु मा बि तेल एवं प्राकृतिक तो म निवेश तैं बढ़ै। उन्न बोलि ओएनजीसी न उत्तराखण्डम कतगै इन्ना काम करिन, जैकु फैदा प्रदेस तैं मिलणु च।

ऐ मौका फर भारतीय मजदूर संघ अध्यक्ष हिरान्मय पंड्या, अनुपम, गोपाल जोशी, नीरज शर्मा, पवन कुमार, देवेंद्र बिष्ट, सुमित सिंघल अर हौरि लोगु छायीं।