रुड़ियों राजधानी गैरसैंण बिटि योग कु रैबार, 8 देसु का राजदूत, उच्चायुक्त पौंछिग्येन भराड़ीसैंण

अंतर्राष्ट्रीय योग दिवस कु मौका परै भराड़ीसैंण गैरसैंण मा उर्यें जाण वलु कार्यक्रम मा 8 देसु का राजदूत, उच्चायुक्त आज द्वफरा भराड़ी सैंण विधान सभा पौंछिग्यींन।

भराड़ीसैंण पौंछिकि विदेसी मैनानु उत्तराखण्डा रुड़ियों राजधानी गैरसैंण प्राकृतिक सुंदरता तैं देखिकि खुब खुस दिखैन। उन्न गैरसैंण खुब तरिफ कायी। अर बोलि या बौत बिगरैलि जगा च।

8 देसु का राजदूत, उच्चायुक्त अर प्रतिनिधि भराड़ी सैंण, पौंछि त ऊंकु स्वागत म उत्तराखण्ड की लोकसंस्कृत की अंद्वार दिख्येंणि छायीं। छोलिया, पाड़ि बाजौंन ऊंकु स्वागत करे ग्यायी।

सांस्कृतिक स्वागतन विदेसी मैमान बौत खुस दिख्येंणा छायीं। उन्न उत्तराखण्डा सांस्कृति विरासत खुब तरिफ कायी।
ऐ मौका परै भारत म मैक्सिको क राजदूत फेडेरिको सालास, मेक्सिको दूतावास म आर्थिक मामलु का प्रमुख रिकार्ड़ो डेनियल डेलगाडो, भारत म फिजी उच्चायोगा हाई कमिश्नर जगन्नाथ सामी, भारतम नेपाला राजदूत डॉ शंकर प्रसाद शर्मा, भारतम सूरीनाम का राजदूत अरुणकोमर हार्डियन, भारतम मंगोलिया का राजदूत डंबाजाविन गैंबोल्ड छायीं। यांका दगड़ि भारतम लातविया दूतावास सम डिप्टी हेड ऑफ मिशन मार्क्स डीतॉन्स, भारतम श्रीलंका उच्चायोग का मिनिस्टर काउंसलर लक्ष्मेंद्र गेशन डिसनायके, रूसी दूतावासम सचिव सुश्री क्रिस्टिना अनानीना अर योग गुरु पद्मश्री स्वामी भारत भूषण बि छायीं।