जनतकि सुरक्षा पैलि च : मुख्यमंत्री
मुख्यमंत्री धामिन सुक्रबार खुणि सचिवालय म भारता की आतंकवाद पर सखत कारवै तैं देखिकि प्रदेसम उच्च अधिकारियों दगड़ि बैठक कायी।
मुख्यमंत्रिन बैठकम अधिकारियों तैं हरेक स्थिति म पूरि तरौं त्यार रैंणा अर प्रदेसा दूर-दराज तोकम प्रशासनिक इकाइयों तैं चंख रैंणा का निर्देश दींन।
मुख्यमंत्रिन अप्सरु तैं बोलि कि सबि अस्पताल म जीवन रक्षक दवै, सर्जिकल उपकरण अर हौरि जरुरी समान त्यार रखणा बारम बोलि।
मुख्यमंत्री न खाद्य अर नागरिक आपूर्ति विभाग तैं प्रदेसम जरुरी खाण-पिणा कु समान, राशन अर पीणा कु पाणि की आपूर्ति बराबर करणा का निर्देश दींन। उन्न बोलि कि राहत अर बचाव दलु तैं बि त्यार करे ज्यां जै से जरुरत प्वाड़ फर झट कारवै करे जै सक्यां।
मुख्यमंत्रिन बोलि कि अफवा से बचण अर जनता तैं बग्त पर सै जाणकारी देंणा खुणि सूचना विभाग तैं चंख रैंणा निर्देश दींन। उन्न बोलि प्रदेस सरकार खुणि देवतुल्य जनता की सुरक्षा पैलि च अर सरकार कनि बि दसा से निपटणा खुणि त्यार च।
ऐ मौका पर मुख्य सचिव आनंद बर्द्धन, डीजीपी दीपम सेठ, सचिव गृह शैलेश बगौली, एडीजी ए.पी अंशुमान छायीं।