मुख्यमत्रिन दुगड्डम कायी तीन दिनकु शहीद म्यळा कु शुभारम्भ
मुख्यमंत्रिन धामिन आज पौड़ी गढ़वाळा दुगड्डम तीन दिनकु शहीद म्यळा कु शुभारंभ कायी। यां से पैलि मुख्यमंत्रिन अमर शहीद चंद्रशेखर आजाद, स्व. बलदेव सिंह आर्य अर स्व. भवानी सिंह रावत क प्रतिमा पर फुळ चढ़े कि ऊतैं श्रद्धांजलि द्यायी।
ऐ मौका पर मुख्यमंत्रिन क्षेत्रा विकासा वास्ता कै घोषणा बि करनि। जैमा नगर पालिका दुगड्डा मा एक आधुनिक बहुउद्देशीय भवन बणौंणा अर नगर पालिका तैं एक गाड़ी देंणा बारम बोलि। भवानी सिंह रावत शहीद स्मृति स्थल कु सौंदर्यीकरण अर पुनर्निर्माण नगर पालिका कारली। नगर पालिका परिषद् दुगड्डा तोकम एक रैन बसेरा बण्यें जालु। दुगड्डा नगर म प्राथमिक स्वास्थ्य केन्द्र विकास जैकु नौं स्व. मोहन लाल बौंठियाला नौं पर धरे जालु। दुगड्डा मा मिनी स्टेडियम अर फतेहपुरम सिलगाड गदना पर पुळ बण्यें जालु।
शहीद म्यळम रीप परियोजना, बाल विकास वन विभाग कृषि विभाग, उद्यान, सहकारिता, समाज कल्याण, डेयरी विभाग, स्वास्थ्य विभागा दगड़ि हौरि विभागु क स्टॉल लग्यां छायीं।
ऐ कार्यक्रम मा महंत दलीप रावत, विधायक यमकेश्वर रेनू बिष्ट, मेयर कोटद्वार शैलेंद्र सिंह रावत, अध्यक्ष नगर पालिका परिषद दुगड्डा श्रीमती शांति बिष्ट, जिला अध्यक्ष भाजपा वीरेंद्र सिंह रावत, जिलाधिकारी डॉ. आशीष चौहान, वरिष्ठ पुलिस अधीक्षक लोकेश्वर सिंह, मुख्य विकास अधिकारी गिरीश गुणवंत छायीं।