विधानसभा म धामी धैरि भू-कानून कु प्रस्ताव
विधानसभा सत्रा क चौथौं दिनमा आज सदनाा पटल पर कई प्रस्ताव रखें ग्येन। ऐ मौका पर सीएम धामी न सदन म सकत भू-कानून कु प्रस्ताव सदन क पटल पर धैरि जै पर विपक्षन चर्चा क मांग कायी। जैका बाद मुख्यमंत्रिन भू-कानून पर जाणकारी द्यायी।
मुख्यमंत्री धामिन सदन मा जाणकारी द्यायी अर बोलि कि सरकारन ऐतिहासिक फैसला कायी। लोगुक जनभावनौं तैं देखिकि यु फैसला ल्यायी। उन्न बोलि उत्तराखण्ड संसाधनु तैं भू-माफिया से बचौंणा वास्ता कोसिस करे ग्यायी।
मुख्यमंत्री धामिन बोलि कि उत्तराखण्ड म पाड़ अर सैंणा तोक च। जखकि भौगोलिक परिस्थिति अलग-अलग छन। यांका दगड़ि इन्वेस्टर्स तैं बि ध्यान मा धरे ग्यायी। यु बि मुद्दों तैं मिलैकि सरकारन भू सुधार की बुनियाद धैरि। मुख्यमंत्रिन धामिन बोलि कि यां एक सुरुवात च। यांका बाद ऐ मा अगनै बि काम करे जाला।
मुख्यमंत्रिन बोलि कि पिछल सालुम भैरा लोगुन यख जमीन मूल्याईं, जैकु उपयोग नी करे ग्यायी। यु काननू लागू हूंणा बाद इन्नि दिक्कत नीं होलि। या से भू माफिया तैं पछ्यणा मदत मिललि। सीएम धामीन बोलि प्रदेस सरकार लगातार अतिक्रमण हटौंणा कु काम करणि च। उन्न बोलि कि प्रदेस सरकार इकोनॉमी अर ईकालॉजी तैं ध्यान मा धैरिकि काम करे जाणु च।