राष्ट्रीय खेल कु शुभंकर ‘मौली’ कु मुख्यमंत्रिन कायी स्वागत

अड़तीसौं राष्ट्रीय खेल कु आकर्षण शुभंकर ‘मौली’ राष्ट्रीय खेल कु समापन हूंणा बाद मुख्यमंत्रिक घौर पौंछि। मुख्यमंत्रि मौली कु स्वागत कायी। राष्ट्रीय खेलु कु शुभंकर ‘मौली’ क छ्वीं सर्या देसम लगणि छन।

उत्तराखण्डम उर्यां राष्ट्रीय खेलु कु शुभंकर मौली कु प्रदेस सबि जिलों मा स्वागत करे ग्यायी।

अड़तीसौं राष्ट्रीय खेलु न उत्तराखण्ड तैं देवभूमि अर वीरभूमि क दगड़ि खेल भूमि की नै पछ्याण द्यायी।
प्रदेसम खेल इन्फ्रास्टक्चर मा विकास ह्वे नै खेल नीति कु नतीजा चु प्रदेसा खिल्वारु न अड़तीसौं खेलु मा 108 पदक हासिल करिन अर सातौं स्थान प्राप्त कायी। उत्तराखण्ड म हूयां अड़तीसौं राष्ट्रीय खेल ग्रीन गेम्स, ई-वेस्ट से बण्यां मेडल अर पदक जितण वला खिल्वारु नौं से डाळा लग्यें ग्येन।