खानपुरा विधायक उमेश कुमारा दप्तरम कुवंर प्रणव न कायी फैरिंग
उत्तराखण्ड खानपुरा निर्दलीय विधायक उमेश कुमारा कैंप दप्तर पर खानपुरा पैल्यक विधायक कुवंर प्रणव न कायी फैरिंग। यीं घटना म उमेश कुमार अर प्रवणा बीच ब्याली कु विवाद बतै जाणु च।
रुड़की निर्दलीय खानपुर विधायक उमेश कुमारा कैंप दप्तर पर दिनम फैरिंगा घटना ह्वे। कुंवर प्रणव न अपणा समर्थकु दगड़ि उमेशा दप्तर पौंछिकि खुब गाली दींन अर तोड़फोड़ कायी। बतै जाणु च की उन्न 50 से जादा गोली चलै। फैरिंग मा तीन लोगुक घैल हूंणा सम्भावना च।
बतै जाणु च कि कुंवर प्रणव न एका मनखि दगड़ि मारपिटै बि कायी। फैरिंगा घटना बाद पुलिस वीडियो देखिकि जांच करणि च।
बतै जाणु च कि द्वियौं कु बीच कु विवाद बौत पूरणु च। अर पिछल विधानसभा मा निर्दलीय उमेश कुमारन प्रणव तैं हरै की चुनाव जीति छायीं। तब बिटि ऊ द्वियौं क बीच विवाद बढ़ै ग्यें।
विवादा कु वीडियो सोशल मीडिया म द्वियौं खुब वायरल हूंण च। उमेश कुमार न ब्याली प्रणव तैं धमकी दे छायीं। त वखि कुवंर प्रणव न अपणा लोगु तैं एक रैंण कु रैबार देंणा छन। अर उमेश कुमार धमकी बात आज प्रवणन उमेशा दप्तर पौंछिकि गोलि चले दीं।
द्वियौं कु बीच यीं लडै म लोगु डर्या छन। अर नेताऔं क बीच या लड़ै अब लोगु खुडि खतरा बणिग्ये।
यु द्वियौं कु बीच ऐ विवादन बाद अब उत्तराखण्ड क राजनीति खुब गरम ह्वेग्ये।