महाकुम्भम उत्तराखण्ड पवेलियन

मुख्यमंत्री धामिन ब्वन पर प्रयागराज म गंगा यमुना अर सरस्वती क संगम पर 144 साल बाद उर्यूं महाकुम्भ मा उत्तराखण्ड पवेलियन बण्यें ग्यायी। यु म्यळा 13 जनवरी 2025 बिटि 26 फरवरी 2025 तक उर्यें जालु । महाकुम्भ म उत्तराखण्ड पवेलियन बण्यें ग्यायीं। महाकुम्भ कौथिग भारत हर सर्या दुन्या क संस्कृतिक कु मिलन कु कौथिग च। जैमा देस अर दुन्या क बिटि तीर्थ जातरी आध्यात्मिक शुद्धि बास्ता औंदन।

उत्तराखण्ड पवेलियन म प्रदेसा तीर्थजातरी तैं रैंणा सुविधा अर खाणु-पिणा कु बन्दुबस्त वास्ता तम्बू लग्यां छन। उत्तराखण्ड पवेलियन मा रोजना दस हजार से पन्द्रह हजार जातरी औंणा छन। तीर्थ जातरियौं तैं मंदिरा दर्शना दगड़ि प्रदेसा उत्पाद कु स्टॉल अर प्रदेसा संस्कृति क बारम सांस्कृतिक कार्यक्रमा जरिया दिख्यें जाणा छन।

मुख्यमंत्रिन बोलि कि 2026म हरद्वार मा कुम्भ म्यळा उर्याणा वास्ता बन्दुबस्ता करणा खुणि मदत मिलली अर उत्तराखण्ड पवेलियन महाकुम्भ म औंण वला जातरियौं तैं जाणकारी मिललि।

आयुक्त अर महानिदेशक उद्योग प्रतीक जैन न बतै कि मुख्यमंत्री न निर्देश पर मंडपम उत्तराखण्ड प्रदेस देवभूमि क दगड़ि प्रदेसा कला-संस्कृति अर उत्पादु तैं ब्यचणा कु बन्दुबस्त बि करे ग्यायी।

उत्तराखण्ड कु अंतर्राष्ट्रीय ब्राण्ड ’हाउस ऑफ हिमालयाज’, उत्तराखण्ड कु हथकरघा अर हस्तशिप्ल ‘हिमाद्री’ खादी बांस, पयर्टन स्थल, आयुर्वेदिक अर योग चिकित्सा तैं दिख्यें ग्यायी। उन्न बतै कि उत्तराखण्ड मंडप मा भितर जाणा द्वार पर केदानाथ अर भैर औंणा द्वार पर बदरीनाथ बण्यें ग्यीन। मंडपा भितर हर की पैड़ी, हरद्वार अर गंगाकि धारा तैं बि दिख्यें ग्यायी। मंडपा दूसर तरफा श्री जागेश्वर धाम, श्री गोल्ज्यू द्यब्ता अर नीम करोली बाबा तैं दिख्यें ग्यायी।