शिमला बाईपासम गोकशी मु मामलु , खूब ह्वे घपरोळ
शिमला बाईपास चौक पर अटल पार्क मा गोकशी मु मामलु समणि ऐ। यांका बाद विश्व हिन्दू परिषद अर बजरंग दला कार्यकतौं न खुब घपरोळ कायी।
बसंत विहार थाना क्षेत्र हरबंस वाला रैवासी एक ब्यटुलन पुलिसम शिकैत कायी। जैमा वींन आरोप लगै कि चाय बगानम गोकशी करे ग्यायी।
यीं सूचना पर पुलिसा टोळा (दल) पौंछि। जैका बाद हिन्दू संगठन का लोगुन खुब घपरोल कायी। अर आरोपि तैं गिरफ्तार करणा मांग कायी।
बजरंग दला पदाधिकारी विकास वर्माक पुलिसा दगड़ि खुब तकरार ह्वे। यांका बाद एसएसपी दगडि बात करे ग्यायीं। मामलम एसएसपी न 24 घण्टा भितर अरोपी पर सकत कारवै करणा कु भरोसु दे।
एसएसपी न बोलि कि गौवंश तस्करी मा सामिल कैबि आरोपी तैं कतै नी छ्वडे़ जालु, वुंका खिलाप कारवै करे जाली।