78 हजार से जादा राशन कार्डु की होलि जांच

उत्तराखण्ड सरकारन खाद्य विभाग तैं पिछल कुछ सालुम बण्यां राशन कोर्डु कु सत्यापन करणा का निर्देश दींन। प्रदेस सरकारन एक साला भितर तीन श्रेणी मा 78 हजार से जादा राशन कार्ड बणै।

दूसर प्रदेसु बिटि उत्तराखण्ड औंणा बाद राशन कार्ड बणौंणा की लगातार मिलणि शिकैत पर सरकारन जांच करणा कु फैसला ल्यायी। खा़द्य विभाग तैं पिछल कुछ सालु मा बण्यां राशन कार्ड कु सत्यापन करणा का निर्देश दींन।

बतै दियां की एक जनवरी 2023 बिटि एक जनवरी 2024 तक नै राशन कार्ड बणिन । जैमा अत्योदय श्रेणी मा 3877 नै राशन कार्ड, राष्ट्रीय सुरक्षा योजना क तहत 19 हजार 220 कार्ड त राज्य खाद्य सुरक्षा योजना एसएफवाई म सबसे जादा 54 हजार 981 राशन कार्ड बणिन। कुल मिलैकि 2.71 लाख नै यूनिट जुड़िन।

बतै जाणु कि चुनौ का खतम हूंणा बाद यु सबि कार्डु कु सत्यापन करे जालु।