नेशनल गेम्स उर्यौंणु कै एक विभागै न बल या सर्या उत्तराखण्डा जिम्मेबरि च : मुख्यमंत्री धामी

अड़तीसौं नेशनल गेम्स क तयरि वास्ता खेल विभाग तैं द्वी से ढ़ै हजार वॉलंटियर्स क जरूरत च । जैका वास्ता खेल विभागन रजिस्टेªशन सुरु कै याली। नेशनल गेम्स क शुभंकरा दगड़ि हौरि खेल प्रतीकौं की लॉन्चिंग बाद अबि तक दस हजार वॉलंटियराैंं न अपणु पंजीकरण करै याली।

अड़तीसौं नेशनल गेम्स तैं लेकैकि मुख्यमंत्रिन धामी न बोलि कि नेशनल गेम्स तैं उर्यौंणु कै एक विभाग जिम्मेबरि ना, बल या सर्या उत्तराखण्डा जिम्मेबरि च। सब्यौं क मदतन नेशनल गेम्स तैं बौत अच्छु तरौं से उर्यें जालु। उन्न बोलि मेरि सब्यौं से विनती च कि ये महा आयोजना दगड़ि जरूर जुड्यां। नेशलन गेम्य उर्याैंंणु हमरू सौभाग्य च।

नेशनल गेम्स सचिवालय का मुख्य कार्यकारी अधिकारी अमित सिन्हा न बतै कि नेशनल गेम्स जन्न बड़ा आयोजन वास्ता सब्यौं की मदत लिये जाणि च। वॉलंटियर पंजीकरण चलणु च।

अपर मुख्य कार्यकारी अधिकारी प्रशांत आर्या न बतै कि कई सेवानिवृत अपसर बि वालंटियर बणणा वास्ता पंजीकण करणा छन अर उत्तरप्रदेश, महाराष्ट्र बिटि बि लोग पंजीकरण कराणा छन। पंजीकरण खेल विभागा वेबसाइट 38दहना.पद पर करे जै सकदु। पंजीकरणा वास्ता उमर 18 साल या वा से जादा हूंण चैंद।

उन्न बोलि कि पंजीकरण करणा बाद खेल विभाग एक सर्टिफिकेट देलु। यु ई-सर्टिफिकेट होलु, जु रजिस्टेªशन करण वला हरेक मनखि तैं मिललु। वॉलंटियर चयन हूंण वला मनखियों तैं नेशनल गेम्म्स 2025 कु प्रमाण पतर अलग से मिललु। चयनित वॉलंटियर तैं खेल विभाग जरूरी प्रशिक्षण देलु, जैका बाद ऊतैं जरूरता हिसाब से अलग-अलग जगों मा काम करण प्वाड़लु। उन् बोल कि वॉलंटियर नेशलम गेम्सा सबि बन्दुबस्त मा मदत कारला।