दिवलि त्योवार पर यातायात कु साख ध्यान दिये ज्यां, लोगु तैं क्वी दिक्कत नीं हूंण चैंद

देरादूण। मुख्यमंत्री धामीन आज सचिवालयम राज्य स्थापना दिवस अर औंणा वला त्योवार तैं लेकैकि एक बैठक कायी। बैठकम मुख्यमंत्रीन बोलि कि दिवलि कु त्योवार पर यातायात कु खास ध्यान धरे ज्यां। उन्न बोलि कि आम लोगु तैं क्वी दिक्कत नीं हूंण चैंद।

मुख्यमंत्री न त्योवारुम खाणु-पिणा समानम मिलावट तैं रवक्णा खुणि खाण-पिणा समानक नमूना लेकैकि जांच करणा आदेश बि दींन। उन्न बोलि कि खाण-पिणा चीजु म मिलावट अर वामा थूकणा घटना अर गुणवत्ताम क्वीं बि कमी हूंण पर वैका खिलाप कारवै करे ज्यां।

राज्य स्थपना दिसव त तय्यरि तैं लेकैकि मुख्यमंत्री सबि जिलाधिकारियौं तैं बोलि कि सबि सैरु अर गौं क तोकम सफै कु अभियान चलयें ज्यां। यां खुणि लोगु की मदत बि लिये ज्यां। उन्न बोलि कि स्वच्छता तैं जनता कु कार्यक्रम बण्ये ज्यां। राज्य स्थापना दिवस क मौका पर 6 से 12 नवम्बर तक प्रदेसम कार्यक्रमु क उर्यें ज्यां।

मुख्यमंत्री न निर्देश दींन कि दिवलि अर राज्य स्थापना दिवस तैं ध्यानम धैरिकि प्रदेसा भितर अर भैरा सीमा पर सुरक्षा कु बन्दोबस्त करै ज्यां। मुख्यमंत्री न बोलि कि हम प्रदेसा रजत जयंती बरस म जाणा छौ। उत्तराखण्ड तैं सर्या देसम अगन्वया कु प्रदेस बणौंणा खुणि उत्तराखण्डित क भावना से काम करण।

ऐ मौका पर कैबिनेट मंत्री प्रेमचंद अग्रवाल, उपाध्यक्ष अवस्थापना अनुश्रवण परिषद विश्वास डाबर, मुख्य सचिव श्रीमती राधा रतूड़ी, अपर मुख्य सचिव आनंद बर्द्धन, प्रमुख सचिव आर.के सुधांशु, सचिव शैलेश बगोली, नितेश झा, चन्द्रेश यादव, एडीजी ए.पी अंशुमान, गढ़वाल कमिश्नर विनय शंकर पाण्डेय अर वर्चुअल माध्यमा जरिया सबि जिलाधिकारी अर एसएसपी छायीं।