भगवान रुद्रनाथ पाट ह्येंदा मैना खुणि बन्द ह्वेग्यीन

पंच केदारु में बिटि एक भगवान रुद्रनाथ धामा पाट ह्येंदा मैना खुणि बन्द ह्वेग्यीन। जैक बाद भगवान रुद्रनाथ चल विग्रह उत्सव डोलि गोपीनाथ मंदिर खुणि पैटिग्यें। अब भगवान रुद्रनाथा पूजा गोपेश्वर गोपीनाथ मंदिर मा होलि।

आज सुबेर 4 बिजि विधि विधाना दगड़ि ब्रह्म मुहूर्त म भगवान रुद्रनाथ मंदिरा पाट बंद करे ग्येन।

जख सुबेर पूजा अर अभिषेक हूंणा बाद भगवान रुद्रनाथ क चल विग्रह उस्सव डोलि गोपेश्वरा गोपीनाथ मंदिर खुणि पैटिग्ये।

वखि पाट बंद हूंण से पैलि राजा सगर क कुल देवी माँ चंडिका न अपण निसाण दगड़ देवरा बारीदारों क दगड़ि भगवान रुद्रनाथ मंदिर मा देव भेंट कायी। जैका बाद माँ चंडिका देवी की देवरा जातरा बि रुद्रनाथ मंदिरा पाट बंद हूंणा पर चल विग्रह उत्सव डोलि दगड़ि वापिस ऐग्ये।