मुख्यमंत्री राहत कोष बिटि केदारनाथ तोकम आपदा से प्रभावित व्यापारियों खुणि 56.30 लाख रुप्यौं कु राहत राशि ह्वे मंजूरि

देरादूण। मुख्यमंत्री धामीन ऐसु साल 31 जुलै खुणि केदारनाथ तोक म हूंयी जादा बरखान लिनचोली बिटि सोनप्रयाग तक व्यापारियों कु हूंया नुकसान खुणि 56.30 लाख रुप्यौं कु राहत राशि मुख्यमंत्री राहत कोष बिटि मंजूर कै याली। मुख्यमंत्री न या से पैलि प्रभावितु खुणि 9 करोड़ 8 लाख रुप्यौं क मंजूरि दे छायीं।

सचिव मुख्यमंत्री शैलेश बगोलीन जिलाधिकारी रुद्रप्रयाग तैं लिखि चिट्ठीम या बात साफ कायी कि युंकी विनीति पर 56.30 लाख रुप्यौं क मंजूरी करे ग्यायी।

सचिव मुख्यमंत्री न बतै कि प्रस्तावक बारम शासनम सम्यक विचारा बाद, मुख्यमंत्री क निर्देश पर यु फैसला लिये ग्यायी अर मुख्यमंत्री राहत कोष बिटि लिनचोली बिटि सोनप्रयाग तक आपदा से प्रभावितु की मददा खुणि जिलाधिकारी रुद्रप्रयाग से मिल्यां प्रस्ताव पर यु रुप्यौं क मंजूरि करे ग्यायी।

उन्न यु बि साफ कायी कि मंजूर रुप्या कु भुगतान प्रभावितौं तैं करण से पैलि ऊंकु सत्यापन करणा बाद पैंसौं कु भुगतान ई-बैंकिग क जरिया करे ज्यां अर जख ई-बैंकिग की सुविधा न हो, वख डिमांड ड्राफ्ट क जरिया भुगतान करे ज्यां।
अर भुगतान करणा बाद लाभार्थियों कु नाम, पता, दूरभाष नम्बरु तैं सम्भालिकि रखण का बि निर्देश शासनन दींन।