कर्मचारियौंक ह्वेग्ये बदलि अर तरक्कि, मंत्री तैं पतै नीं
कैबिनेट मंत्री तैं पता बि नीं च अर प्रशिक्षण एवं सेवायोजन विभागम ह्वेग्यायी कर्मचारियौंक बदलि (तबादला) अर तरक्कि (पदोन्नति)। मंत्री सौरभ बहुगुणा न अधिकारियों तैं बोलि कि भवेष्यम इन्न नीं हूंण चैंद।
मंत्री सौरभ बहुगुणक प्रमुख सचिवन ये मामला म निदेशक प्रशिक्षण एवं सेवायोजन तैं चिट्ठी लेखि। चिट्ठी म उन्न लेखि कि भवेष्यम इन्न आदेश जारी करे जाला त वु आदेस नी मन्यें जालु।
चिट्ठी म लिख्यें ग्यायी कि या बात समणि ऐ कि सेवायोजन विभाागम कार्मिकौंक बदलि अर तरक्कि क मामला म विभागक अध्यक्षक तरफ बिटि बिना उच्च स्तरीय तैं बतै कि फैसला करे जाणा छन। ऐ बारम पैलि बि निदेशालय तैं निर्देश दियां छायीं यांका बाद बि विभागम बदलि (तबादला) अर तरक्कि (पदोन्नति) करे ग्यायी अर विभागीय मंत्री तैं या जाणकारी नीं दिये ग्यायी। उन्न बोलि कि अब विभागम क्वीं प्रकरण हूंया त, यांकी सर्या जाणकारी ऊतैं दिये ज्यां।