प्रदेसा निकाय चुनौम होलि हौरि अंदाळ
सरकार विधानसभाम नगरपालिका अर नगर निगमा एक्ट म संशोधन कु एक्ट लेकैकि ऐ छायीं। एक्ट तैं सदन मा पारित करददा विधायकु न विरोध कायी जैका बाद एक्ट तैं प्रवर समिति तैं भ्यजें ग्यायी।
उत्तराखण्ड मा निकाय चुनौ क वास्ता विधेयक पास हूंणा बाद प्रवर समितिम च चलिग्ये। प्रवर समिति क रिपोर्ट औंणा बाद हि प्रदेसम निकाय चुनौ होला।
ह्वे इन्न च कि निकाय चुनौ म एकल सदस्यी समर्पित आयोग क संस्तुति क हिसाब से ओबीसी आरक्षण लागू करै जाणु छायीं यां खुणि सरकार न सदन म नगरपालिका अर नगर निगमा कु एक्ट संशोधन कु एक्ट लेकैकि ऐ छायीं।
ऐ एक्ट पारित करददा विधायकु न विरोध कायी जै से विधेयक तैं प्रवर समिति म भ्यजें ग्यायी। अब प्रवर समिति एक मैना म अपणि रिपोर्ट देली। जैका बाद दुबरा विशेष सत्रम विधेयक पास होलु। विधेयक पास हूंणा बाद सबि जिलाधिकारियों तैं निकायु मा ओबीसी आरक्षण तैं लेकैकि नोटिफिकेशन जारी करै जालु अर यां फर दिककत अर सुझौव मंगे जाला। तब जिलाधिकारी अपणि रिपोर्ट शासन तैं द्याला। तब शासन राज्य निर्वाचन आयोग तैं चुनौ करणा कु मंजूरि देलु।
जैका बाद राज्य निर्वाचन आयोग नोटिफिकेशन जारी कारलु। तब प्रदेसम निगर निगम अर निगर पालिका क चुनौ होला।