सतपाल महाराजन करिन कैलाश पर्वत का दर्शन

देरादूण। पर्यटन मंत्री सतपाल महाराजन पिथौरागढ़ा म 18000 फीट पूरणु लिपुलेख पास पर जैकि कैलाशा दर्शन करनि।

सतपाल महाराजन यख बिटि यु रैबार द्यायी कि अब उत्तराखण्ड औंण वला शिवभक्तु तैं कैलाश पर्वता दर्शन करणा खूणि चीन जाणा जरुरत नीं च।

कैबिनेट मंत्री महाराजन पिथौरागढ़ म धारचूला, गंुजी नाभीढांग ह्वेकैकि जोलिंगकोंग पौंछिन। महाराजन पूरणु लिपुलेख पासा टुक्कु (चोटी) बिटि कैलाश पर्वता दर्शन करनि अर पूजा कायी अर बोलि कि अब उत्तराखण्ड मा ऐकी कैलाश पर्वता क दर्शन करे जै सकदन।
महाराजन यख बिटि यु रैबार द्यायी कि अब शिव भक्तु तैं चीन जाणा जरूरत नीं च अब भारत धरति उत्तराखण्ड म ऐकी बि कैलाश क भव्य अर दिव्य दर्शन करे जै सकदन।

कैबिनेट मंत्री सतपाल महाराजन बोलि कि 2019 बिटि कैलाश मानसरोवर जातरा बन्द छायीं जै कारण से शिवभक्त कैलाश पर्वता दर्शन निकै सकणा छायीं। इल्लै सरकार यु फैसला कायी कि अब पुरणु लिपुलेख पासा टुकु बिटि पवित्र कैलाश पर्वता दर्शन करे जाला।

ऐ मौका पर सतपाल महाराज क दगड़ि ऊंकी धरवळि अर अर आईटीबीपी क सिपै छायीं।