विधानसभा उप चुनौ म मंगलौर सीट बचौंणु बसपा खूणि बड़ी चुनौती

विधानसभा उपचुनौ 2024 तैं एकदा दुबरा जितणु बसपा खूणि चुनौती बणिग्ये। प्रदेस मा हूयां अबि तक चुनौ मा बसपा न या सीट चार दा जीति। अबि मंगलौर विधानसभा सीट विधायक सरवत करीम अंसारी क म्वरण बाद या सीट खाली हूयीं च।

प्रदेश मा हूयां पांच विधानसभा चुनौ म बसपा न या सीट चार दा जीति। प्रेदसा पैलि विधानसभा चुनौ 2002 म या सीट काजी निमाजुद्दीन न जीति। काजी निमाजुद्दीन तैं कुल 21,155 बोट मिलिन। उन्न कांग्रेसा सरवत करीम तैं हरै।

2007 त चुनौ मा बसपा क निजामुद्दीन दूबरा चुनौ म जीतिग्यीं। उन्न तैं 25,557 बोट मिलिन त रालोद के चौधरी कुलवीर सिंह तैं 22,166 बोट मिलिन । कुलवीर दूसर नम्बर पर रैं त कांग्रेसा सरवत करीम तिसर नम्बर पर छायीं।

2012 सा चुनौ मा बसपा न सरवत करीम तैं टिकट द्यायी। सरवत करीम तैं 24,706 बोट मिलिन त कांग्रेस तैं 24,008 बोट मिलिन।

2017 म कांग्रेसा काजी निजामुद्दीन तैं यी सीट पर 31,352 बोट मिलिन। उन्न सरवत करीम तैं चुनौ मा हरै।

त 2022 मा बसपा क सरवत करीम एक दा दूबरा यीं सीट बिटि चुनौ म जीतिग्यीं। सरवत करीम तैं 32,660 बोट त कांग्रेस क काजी निजामुद्दीन तैं 32,062 बोट मिलिन।

अब जब 2024 मा हूंया लोकसभा चुनौ मा उत्तराखण्ड भाजपा तैं लोकसभा के पंच्या सीटु म जीत मिलि। वखि बसपा उत्तर प्रदेस बिटि साफ ह्वेग्ये। इन्नम अब बसपा क समणि सबसे बड़ी दिक्कत मंगलौर सीट तैं बचौंणाक च।

अर वु हम इल्लै ब्वना छौ की 2024 लोकसभा चुनौ म बसपा उमेदवार त जमील अहमद तैं कुल 5,507 बोट मिलिन अर यख कांग्रेस कु बोट बढ़िग्ये। यीं कारण च की बसपा तैं विधानसभा उपचुनौ मा अपणु गढ़ मंगलौर बचौंणा की बड़ी चुनौती च।

बतै दियां क मंगलौर सीट विधायक सरवत करीम अंसारी क म्वरण से खाली हूयीं च। अर खबर आणि च कि कि बसपा न मंगलौर सीट बिटि सरवत करीम अंसानी क नौनु उबेदुर्रहमान तैं टिकट देंणा खूणि त्यार च। त वखि कांग्रेस काजी निजामुद्दीन तैं चुनौ मैदान मा उतरण तय्यरि करणि च।