मंगलौर अर बदरीनाथ विधानसभा सीट पर 10 जुलै खूणि होलु उपचुनाव
देरादूण। लोकसभा चुनौ 2024 खतम हूंणा बाद अब उत्तराखण्ड मा खाली द्वी विधानसभा सीटु पर उपचुनौ क तारिख भारतीय निर्वाचन आयोगन तय कै याली।
10 जलै खूणि द्विया विधानसभा सीटु म चुनौ होलु। चुनाव कु नोटिफिकेशन 14 जून खूणि जारी करै जालु।
उत्तराखण्ड म द्वी विधानसभा सीट मंगलौर (हरद्वार) अर बदरीनाथ (चमोली) खाली छन।
बतै दियां बल मंगलौर विधानसभा सीट बीएसपी विधायक सरवत करीम अंसारी क् देहांत से खाली च। त बदरीनाथ सीटा कांग्रेस विधायक राजेन्द्र भण्डारी न 17 मार्च 2024 म विधानसभा सदस्यता बिटि इस्तीफा दे द्यायी, अर भण्डारी कांग्रेस कु हत्थ छोड़िकि भाजपा मा सामिल ह्वेग्येन। जै कारण से बदरीनाथ विधानसभा सीट बि खाली ह्वेग्ये।