नगर निगम प्रशासकु कु कार्यकाल तीन मैना हौरि बढ़ैग्ये

देरादूण। उत्तराखण्डा मा निकाय चुनौ अब तीन मैना से पैलि नीं होला। सरकारन नगर निगम, नगर पालिका अर नगर पंचायतु म प्रशासकु क कार्यकाल तीन मैना खूणि बढ़ै दे।

लोकसभा चुनौ क कारण प्रदेस मा आर्दश आचार संहिता लगि छायीं। जै कारण निकाय चुनौ म देरी हूंणि छायीं। अर अब प्रशासकु कु कार्यकाल तीन मैना खूणि बढ़ै याली। जैका आदेश जारी ह्वेग्यीन।

बतै दियां कि पिछल साल दिसम्बरा मैना मा नगर निकायु क कार्यकाल पूरु हूंणा बाद प्रसासक तैं जिम्मेबरि दियेग्ये छायीं।
प्रशासकु जिम्मेबरि छै मैना तक हि छायीं। जैकु कार्यकाल 2 जून पूरू हूंण च। प्रदेस मा लोकसभा चुनौ क आचार संहिता छै जून तक लागू च। इन्न मा प्रशासकु कु जिम्मेबरि तैं तीन मैना हौरि बढ़ै ग्यायी।