मुख्यमंत्रीन स्वर्ण मंदिर म टेकी मत्था
देरादूण। मुख्यमंत्री धामीन आज स्वर्ण मंदिर पौंछिकि मत्था टेकि। ऐ मौका पर मुख्यमंत्री न वाहेगुरु जी से सर्या प्रदेसा रैवासी सुखी-सन्ति रयां या अरज कायी।
मुख्यमंत्री न ऐ मौका पर या घोषणा कायी कि श्री हेमकुण्ड साहिब जातरा खूणि रोपवे कु काम झट सुरु करै जालु।
अमृतसर पौंछ्या मुख्यमंत्री धामीन अरविंद केजरीवाल अर आम आदमी पार्टी पर जनता तैं ठगौंणा कु अरोप लगै। उन्न बोलि कि केजरीवाल न पंजाब म कांग्रेसा खिलाप प्रचार करणा छन, प्रदेसा भैर कांग्रेसा मदत करणा छन।
मुख्यमंत्री धामीन 1984 दिल्ली दंगों पर बि बोलि कि भाजपा हि वा पार्टी च जै न दोषि तैं दंड द्यायी।
ऐ मौका पर मुख्यमंत्री न बोलि कि उत्तराखण्ड म सिख गुरुधामों अर श्री हेमकुण्उ साहिबम झट रोपवे सुरु करणा क बारा मा बि बोलि। उन्न बोल कि यीं परियोजना से श्रद्धालुऔं तैं बौत फैदा होलु। स्वर्ण मंदिर म मत्था टेकणा बाद धामी न दुर्गियाना मंदिर मा भी मत्था टेकी।