बाबा केदारा पंचमुखी चल विग्रह डोलि केदारधामा खूणि पैटि

बाबा केदारा पंचमुखी चल विग्रह उत्सव डोलि आज ह्यूंदा गद्दी ओंकारेश्वर मंदिर ऊखीमठ बिटि केदारधाम खूणि पैटिग्ये। आज बाबा केदारा डोलि बासा
विश्वनाथ मंदिर गुप्तकाशी का राली।

आज सुबेर बाबा केदारा ड्वाला तैं फुÿ माÿों न खुब सजै ग्यायी, डोलि कु शृंगार बि करै ग्यायी। यांका बाद केदारबाबा पंचमुखी चांदी की भोग मूर्ति तैं ड्वाला मा बिराजमान करै ग्यायी।

रावल भीमा शंकर लिंगन बाबा तैं सूना कु मुकुट पैरै। जैका बाद केदारनाथा प्रधान पुजारिन शिव शंकर लिंग तैं छः मैना केदारनाथ धामा मा पूजा कु संकल्प द्यायी। यांका बाद डोलि आरती उतरे ग्यायी, आरती क् बाद डोलि न ओंकारेश्वर मंदिरा परिक्रमा कायी।

आज बाबा केदारा डोलि जातरा राति बासा गुप्तकाशी राली। भोल यख बिटि जातरा फाटा पौंछलि। 8 मई खूणि गौरीकुण्ड मा राति बासा राली अर 9 मई खूणि डोलि केदारनाथ पौंछलि। 10 मई खूणि 7 बजिकि 15 मिनट म छ्ये मैना खूणि भगवान केदारनाथा पाट भक्तु खूणि ख्वलें जाला। आज डोलि जातरा मा बौत बड़ी संख्या मा भक्त छायीं।