हिमालय क हव्वा बि ह्वेग्ये खराब

UK Dinmaan
देरादूण। खळाखळ बढ़णि गाड़ियौंक प्रदुषण से अब सैरू मा हि ना बल पाड़ै हवा बि खराब हूंणि च। या बात एक शोध मा समणि ऐ कि 80 प्रतिशत कार्बन कु हिस्सा जीवाष्म ईधन पिटरौळ अर डीजल क धुंवा न हूंणू च। अर 20 प्रतिशत हिस्सा सकेंड्री सोर्स मतलब बायोमास क जलण कु च।

आर्य भट्ट प्रेक्षण विज्ञान शोध संस्थान नैनीताला शोधकर्ता अर दिल्ली विश्वविद्यालय न चार साल तक हिमालय क भाग पर कार्बन एरोसोल कु अध्ययन कायी। जैमा यु पता चलि की हिमालय वायु प्रदूषण पर जीवाष्म ईधन जलण कु असर सर्या साल प्वड़णु रैंद।

शोध मा या बात समणि ऐ कि उत्तराखण्ड अर हिमायल म पिछल दस सालु म गाड़ियों क संख्या 200 गुणा जादा बढ़िग्ये।