राष्ट्रपति क् एस्कॉर्ट मा सामिल गाड़ी ह्वे गण्डमण्ड हौरि गाड़ियों तैं मारि टक्कर

UK Dinmaan
देरादूण। राष्ट्रपति द्रौपदी मुर्मू 23 अर 24 अप्रैल खूणि देरादूणा दौर पर आणि छन। जै थैं लेकैकि आज पुलिसा ब्रीफिंग ह्वे अर पुलिसन वाहन फ्लीट कु अभ्यास कायी पर फ्लीट कु अभ्यास मा बडु हादसा ह्वेग्ये। एस्कॉर्ट मा सामिल गाड़ी न 3 हौरि गाड़ियौं अर एक मोटरसैकल तैं टक्कर मारि। जैमा कुछ लोग घैल ह्वेग्यीन।

बतै जाणु च कि राष्ट्रपति द्रौपदी मुर्मू क क दौरा से पैलि गाड़ियों कु अभ्यास हूंणि छायीं अर एस्कॉर्ट क गाड़ी ऋषिकेश बिटि देरादूण आणि छायीं तबि हाथी बड़कला म उत्तराखण्ड शासना गाड़ी गण्डमण्ड ह्वे ग्ये अर वींन तीन कारू अर एक मोटरसैकल तैं टक्कर मारी। जैमा एस्कॉर्ट गाड़ी क डैबर तैं चोट लगिन।

घैल डैबर तैं 108 मदत से अस्पताल पौंछ्यें ग्यायी। बतै जाणु च कि एस्कॉर्ट का गाड़ी बौत तेजी से चलणि छायी।

देरादूण एसएसपी अजय सिंह न बतै कि राष्ट्रपति क द्वी दिनाकु दौरा च। आज ऋषिकेश बिटि राजभवन तक फ्लीट क अभ्यास करै जाणु छायी अर कुछ गलति कारण यु हादसा ह्वेग्ये। पुलिस हादसा जांच करणि च।