मतदान कम हूंणा मतलब ?

UK Dinmaan

18 वीं लोकसभा कु पैलु चरणा मतदान 19 अप्रैल 2024 खूणि बोटिंग ह्वेग्ये। सर्या देस मा करीब 60 प्रतिशत बोटिंग क रिपोर्ट समणि आणि च।

पार्टी क प्रत्याशियों का दावा त अपणि अपणि जगा छन। हां कम बोट प्रतिशत कु मतलब समझण कोसिस करदौ त कुछ त या बात समझम आणि च। जब मत प्रतिशत जादा हंूद त सत्ता बदलि ह्वे जांद। किलैकि कै बार इन्नु दिख्ये ग्यायी कि जब बौत जादा मतदान हूंद त सत्ता मा बदलाव हूंदन।

त दूसर तरफा कम मतदान मु मतलब यु बि ह्वे सकदु कि जनता क्वीं बदलाव नीं चाणि च इन्न मा कम मतदान फैदा सदनि सत्ता त हूंद।

यांका बाद बि राजनैतिक जणगुरु क ब्वन च कि कम बोटिंग हूंण बि सत्ता मा बदलौ तरफा सानि (इसारा) बि करदु।
त जरा अब पिछल कुछ चुनौ क बारा मा समझणा कोसिस करदा त पांच बार मतदान कु प्रतिशत कम ह्वे त सदनि सत्ता पक्ष तैं नुकसान ह्वे अर विपक्ष तैं फैदा ह्वे अर केन्द्र मा सत्ता बदलि ह्वेग्यायी।

साल 1980 म जब कम मतदाना ह्वे अर जनता पार्टी हारिग्ये त इंदिरा गांधी न सरकार बणै। 1989 मा बि मतदान प्रतिशत कम ह्वे त कांग्रेस सत्ता बिटि भैर ह्वे ग्यायी अर वीपी सिंह क हत्थ मा सत्ता ऐग्यायी। साल 1991 मा थ्वड़ा कम मतदान ह्वे जैकु सीधा फैदा कांग्रेस पार्टी तै ह्वे। साल 2004 मा मतदान प्रतिशत कम ह्वे त अटल विहारी वाजपेयी कु साइनिंग इंडिया कैंपेन भ्वां मा धर्यूं कु धर्यूं रैग्ये।

अब कु जितदु अर कु हरदु यु त ईवीएम म बन्द ह ह्वेग्ये। पर

ज्वा बात अबि तक समणि आणी च वा खास च कि बड़ा-बड़ा, प्रचार-प्रसार अर लोगु तैं सौं दिलौंण बाद बि लोग बोट डलणा खूणि घौर बिटि नी निकलणा छन अर लोग लोकतंत्रा कौथिग मा भाग नी लिंणा छन या चिंतै बात च।