कांग्रेसा छोड़िकि जाण वलों पर हरीश रावतन निकालि भड़ास अर बतै पार्टी छ्वणा कु कारणv

देरादूण। कांग्रेसा लोग कांग्रेस पार्टि तैं छोड़ि-छोड़िकि जाणा छन अर भाजपा मा सामिल हूंणा छन। हरद्वार मा कांग्रेस छोड़िकि भाजपा मा सामिल हूंणा वल कांग्रेसियों पर हरीश रावत न सोशल मीडिया मा खूब अपणि भड़ास निकालि।

हरीश रावत न सोशल मीडिया मा लेखिकि आज मीडिया पूछणु च कि जु तुमरा दगड़िया छायीं, जौंका गळौं मा तुमन माला डाळि, वु किलै तुमरु दगडु छ्वड़ा छन?

हरीश रावतन बोलि बल रुसौंणा का कुछ न कुछ कारण हून्दन। कुद लोग इल्लै नराज छन की वु जब मि मुख्यमंत्री छायीं त एक एसडीएम तैं एडीएम बणौंणा सुपरि ली छायीं। स्वर्ग आश्रम ऋषिकेशा कुछ जैदाद तैं मिन ऊंका संगठन तैं देंणा खूणि मना कै द्यायी।
एक आद त इन्न बि छन की जब मिमा देंणा खूणि कुछ बि नै रैग्गे तब वु बड़ा लोगु मा पौंछिग्येन? हमरि शुभकामना छन। यख बिटि जादा मिल्यां अर जख ज्या छन वख बि वफादार रयां।