संजय सिंह तैं मिलिग्ये जमानत, 6 मैना बिटि बन्द छायीं जेल मा

नै दिल्ली। दिल्ली शराब घपरोल मामला मा 6 मैना बिटि जेल मा बंद संजय सिंह जमानत मिलि ग्यायी। बतै दियां कि ईडी न दिल्ली शराब नीति मालला मा संजय सिंह तैं 13 अक्टूबर 2023 खूणि पकड़ि छायीं।

आम आदमी पार्टी क मंत्री सौरभ भारद्वाज बोलि कि संजय सिंह तैं सुप्रीमकोर्टा तीन जजु क बेंच न बेल द्यायी। उन्न बोलि कि सुप्रीम कोर्टन केन्द्र सरकार क वकीत तैं जु सवाल पूछिन ऊंकु जवाब वकील मा नी छायीं।

कोर्टन पूछि कि एक आदिम दिनेश अरोड़ा, जैका एकदा न द्वी दा न, दसदा अलग-अलग बयान छन अर सबि बयानु मा संजय सिंह कु क्वीं नौं नी च। तुमन (ईडी) वैथैं गिरपतार कायी, अर गवाह बणैं त ऊं संजय सिंह बारा मा गोलमोल जवाब देंदु। सुप्रीम कोर्टन बोलि यु कु तय कारालु तक 10 बयान गलत छायीं अर ग्यारवु बयान सै।
दुसर सवाल सुप्रीम कोर्टन कायी कि ऐ मामला मा मनी टेªल कख च? जब्त पैसा कख च? पैसा अगर खरच ह्वे त बतावा। जैन पैसा दी, वु कुछ नी ब्वनु च, जै न पैसा लिन वु नीं ब्वनु च। सुप्रीम कोर्टन पूछि ईडी से पूछि कि संजय सिंह तैं जेल मा रखणा की हौरि दरकार च त लंच ब्रेका बाद बत्यें ज्यां। सुप्रीम कोर्टन बोलि संजय सिंह 6 मैना बिटि जेल मा छन अर ऊ पर 6 करोड़ रुप्या घूस लिंणा कु आरोप च, यु आरोप क जांच ट्रायल मा करै जै सकदि।
यांका बाद संजीव खन्ना, न्यायमूर्ति दीपांकर दत्ता अर न्यायमूर्ति पीबी वराले क पीठन संजय सिंह तैं जमानत दे द्यायी।