कांग्रेस थैं एक हौरि झटका, विजयपाल सजवाण न द्यायी इस्तीफा
देरादूण। कांग्रेस थैं उत्तराखण्ड मा खळाखळ झटका लगणा छन। मनीष खंडूड़ी क बाद अब विजयपाल सजवाण न उत्तराखण्ड कांग्रेस अध्यक्ष तैं एक चिट्ठी लेखिकि कांग्रेस पर इस्तीफा दे द्यायी। चिट्ठी मा उन्न लेखिकि मि अपणि सबि जिम्मेबरि तैं छोड़िकि पार्टिक सदस्यता से त्यागपत्र देंणु छौ।
बतै दियां कि अबि कुछ दिन पैलि मनीष खंडूडी न कांग्रेस बटि इस्तीफा देकैकि भाजपा कु हत्थ थामी छायीं। इन्न मा अब यु ब्वलें जाणु च कि विजयपाल सजवाण बि भाजपा कु खुचिल मा बैठि सकदन।