मुख्यमंत्री न दीं 35 सहायक समाज कल्याण अधिकारियों तैं नियुक्ति पतर

देरादूण। मुख्यमंत्री धामी न आज मुख्यमंत्री आवास मा अधीनस्थ सेवा चयन आयोग बिटि समाज कल्याण विभाग मा भर्ति हूयां 35 सहायक समाज कल्याण अधिकारियों अर 3 छात्रावास अधीक्षकों तैं दीं भर्ति पतर दी।

मुख्यमंत्री न नै भर्ति हूयां अधिकारियों तैं बधै द्यायी अर बोलि कि प्रदेसा सरकार खळाखळ सरकरि नौकरि मा खाली प्वड़यां पदु मा भर्ति करण च। जै कारण नै लोगुक भर्ति हूंणि च अर भर्ति पतर दियें जाणा कार्यक्रम उर्यें जाणा छन।

मुख्यमंत्री न बोलि कि सरकारि विभागु मा खाली प्वड़यां पदु तैं भ्वरणा कु काम खळाखळ चलणु च। मुख्यमंत्री बोलि कि आज सबि मैनत करण वळों तैं भर्ति पतर दियें जाणा छन। मुख्यमंत्री न सबि नै भर्ति अधिकारियों तैं जिन्दगि मा सदनि अनुशासन मा रैंणा बात बोलि अर बोलि कि अनुशासन मा रैकैकि हम लोगु तैं सरकारक योजनौं कु फैदा दे सकदो। उन्न बोल कि अपणि नौकरि मा अच्छा काम कैकि दिखावा जै से अपणि सेवाओं से अंत्योदय क सिद्धांत तैं पूरू कै सक्यां।

मुख्यमंत्री न बोलि कि प्रदेस सरकार न नकल विरोधी कानून बणै नकल माफियाओं पर रोक लगै। नकल करौंणा मा सामिल लोगु तैं पकड़ि की जेल मा भेजि। मुख्यमंत्री न बोलि कि प्रदेस मा अब सर्या इमत्यान पारदर्शिता से पूरी हूंणि छन अर काबिल लोग इमत्यान मा सफल हूंणा छन।

ऐ मौका पर सचिव बृजेश कुमार संत, प्रभारी निदेशक जीआर नौटियाल, उप निर्देशक वासुदेव आर्य, मुख्य वित्त नियंत्रक कमलेश भंडारी, जिला समाज कल्याण अधिकारी गोवर्धन सिंह सहायक निदेशक हेमलता पांडे अर हौरि लोगु बि छायीं।