उपनल कर्मचारियों कु 10 प्रतिशत मानदेय बढै़ जालु

देरादूण। प्रदेसा मा 25 हजार उपनल कर्मचारियों कु 10 प्रतिशत मानदेय बण्ये जालु। वित्त विभाग बिटि यां खूणि मंजूरि मिलिग्ये। या बात सचिव सैनिक कल्याण दीपेंद्र चौधरी न बतै उन्न बोलि कि जल्दी हि मानदेय बढौंणा कु शासनादेस जारी करै जालु।

प्रदेसा उपनल कर्मचारी हर साल 20 प्रतिशत मानदेय बढ़ये जाणा क मांग करणा छन अर आठ दिन बिटि काम नी करणा छन। कर्मचारियों कु ब्वन च कि सरकार मंत्रिमण्डल क उप समितिक रिपोर्ट लागू तैं लागू कारा। उन्न बोलि सरकारन सुप्रीम कोर्ट मा जु एसएलपी दाखिल करि च, वींथैं वापिस लिये ज्यां अर हाईकोर्टा आदेसा मन्ये ज्यां। कै बि उपनल कर्मचारी क सेवा खतम नी करै ज्यां। उपनल कर्मचारी क म्वरण पर ऊंकी आश्रित तैं नौकरि दिये ज्यां।

ऐ मामला मा मुख्यमंत्री धामी न 10 प्रतिशत मानदेस बढ़ौंणा अर हौरि मांग खूणि समिति बणौंणा कु भरोसु द्यायी। जैका बाद कर्मचारियों न आंदोलन खतम कै द्यायी। सचिव सैनिक कल्याण दीपेंद्र चौधरी न बोलि कि उपनल कर्मचारियों कु मानदेय बढ़ौंणा कु प्रस्ताव तैं वित्त विभाग बिटि मंजूरि मिलि ग्यायी।