लाखामण्डल बिटि केदारनाथ तक महाभारत ट्रेल बण्ये ज्या : सतपाल महारान

देरादूण। योग कौथिग ऐसु क साल 15 मार्च बिटि 21 मार्च तक उर्यें जालु। जैमा बड़ा बड़ा योगाचार्यों प्रशिक्षण द्याला। बरसाना क फुळुक होरि क दगड़ि बड़ा बड़ा कलाकारु कु का कार्यक्रम बि उर्यें जाला। या बात प्रदेसा प्रर्यटन, धर्मस्व, संस्कृति मंत्री सतपाल महारान पर्यटन विकास परिषदा महासू मास्टर प्लान, कण्वाश्रम अर योग महोत्सव 2014 क तय्यरि वास्ता उर्यीं बैठक मा बोलि।

पर्यटन मंत्री न अप्सरु तैं महासू द्यब्ता कु मास्टर प्लान पर चर्चा करणा दगड़ा-दगड़ि मंदिर तैं सांस्कृति अर पर्यटना वास्ता हौरि अच्छु अर सड़कियौं से ज्वड़णा का निर्देश दीन। महाराजन लाखामण्डल मा लाक्षागृह कु एक मॉडल बणौंण अर केदारनाथ तक महाभारत टेªल बणौंणा खूणि बोलि, जै से वख बौत बड़ी संख्या मा पर्यटक ऐ सक्यां।

सतपाल महाराज कण्वाश्रम तैं पौराणिक ग्रंथों का नुसार विकसित करणा दगड़ा-दगड़ि कण्वाश्रम मा हस्तिनापुर क राजा दुष्यन्त अर शकुंतला का चित्र बणौंणा अर वैंथे बौद्धिक सांस्कृतिक केन्द्र बणौंण क निर्देश बि दीन।

सतपाल महाराजन बोलि कि रुद्रप्रयाग जिलाक चोपता मा हट्स बणौंण पर अदालतन रोक लगयीं च उन्न बोलि नंदा देवी टैªकिंग अर बुग्यालु मा ट्रैकिंग पर लगि रोक हटौंणा खूणि कानूनी प्रक्रिया सुरु करै ज्यां। उन्न पर्यटन अधिकारियों तैं बोलि कि पर्यटन मित्र बणौंणा दगड़ा प्रदेस मा होम स्टे मा 6 कमरों क जगा तैं बढे़ कि 12 करै ज्यां।

बैठक मा पर्यटन सचिव सचिन कुर्वे, निदेशक प्रचार सुमित पंत, पर्यटन अनुसचिव हरीश, वित्त नियंत्रक जगत सिंह चौहान, समीक्षा अधिकारी विपिन चौधरी छायीं।