हल्द्वानी घपरोळ, फरार आरोपियों तैं पकड़णा खूणि पुलिसन करिन पोस्टर जारी

हल्द्वानी। नैनीताल पुलिसन हल्द्वानी घपरोळ कु मुख्य आरोपि अर वैका नौनु दगड़ि 9 हौरि लोगु का पोस्टर जारी करिन।

पुलिसन घटना क जगा क सीसीटीवी अर हौरि सबुतौंक अधार पर अबि तक 42 लोगु तैं पकड़ि याली।

बतै दियां कि बनभूलपुरा हल्द्वानी मा हूयां घपरोळ पर मुख्यमंत्री न सखत कारवै का निर्देश दे छायीं । अबि तक पुलिसन 42 लोगु तैं पकड़ि याली। व वखि ऐ घपरोळ कु मुख्य आरोपी अर वैंकु नौनु समेत 9 लोग अबि तक पुलिसा पकड़ से दूर छन। जैकी जैदाद तैं कुर्क करण निर्देश कोर्ट बिटि मिलिग्येन। इन्न मा यु 9 अपराधियों तैं पकड़णा खूणि पुलिसा ऊंका पोस्टर जारी कै याली कैकि वुथैं ख्वजणा कु काम सुरू कै याली।

नैनीताल जिला पुलिसा मीडिया सेलन विज्ञप्ति जारी कैकि बनभूलपुरा मा सामिल अब्दुल मलिक अर वैका नौनु अब्दुल मोइद क खिलाप लुक आउट नोटिस जारी कायी।
पुलिसन यूंका बारा मा क्वीं बि जाणकारी ह्वे त 9411112743, 9411112741, 9411110396 नम्बर पर देंणा विनती जनता से कायी।