सोशल मीडिया प्रचार-प्रसार कु बौत बडु जरिया च : मुख्य निर्वाचन अधिकारी
देरादूण। औंण वला लोकसभा चुनौ मा मतदान करणा खूणि खूब प्रचार-प्रसार अर सोशल मीडिया तैं हौरि कटकुट करणा क बारा मा मुख्य निर्वाचन अधिकारी डॉ. बी.वी. आर.सी. पुरुषोत्तम न आज सबि जनपदु क वीडिया कॉन्फ्रेंसिंग म जरिया समीक्षा कायी।
मुख्य निर्वाचन अधिकारी डॉ. पुरुषोत्तम न बोली कि औंण वला चुनौ म सोशल मीडिया कु खास महत्व च। सोशल मीडिया मा खूब प्रचार-प्रसार कु बौत बडु जरिया च, जै से मतदातौं तैं जगौंणा काम करै जै सकद। उन्न बोलि कि चुनौ मा सोशल मीडिया मॉनिटरिंग बि बौत जरूरी च। उन्न बोल सबि जनपुद मा एसएसपी/ एसपी तैं निर्देश दी कि सोशल मीडिया मॉनिटिरिंग कु काम पुलिस विभाग चंख ह्वे कैकि कर्यां।
बैठक मा संयुक्त मुख्य निर्वाचन अधिकारी नमामि बंसल न सोशल मीडिया ंतंत्र तैं कटकुटु करणा बारा मा प्रस्तुतिकरण द्यायी। उन्न सोशल मीडिया कु खूब प्रचार-प्रसार खूणि सोशल मीडिया स्वीप गतिविधियौं तैं अगनै बणौंणा जाणकारि बि द्यायी।
बैठक मा संयुक्त मुख्य निर्वाचन अधिकारी प्रताप शाह दगड़ि सबि जनपदु का जिला निर्वाचन अधिकारी, पुलिस कप्तान, उप जिला निर्वाचन अधिकारी, स्वीप नोडल अधिकारी अर मीडिया / सोशल मीडिया नोडल अधिकारी छायीं।