22 जनवरी खूणि सरकरि दप्तरु म अद्दा दिनकि छुट्टी
देरादूण। सर्या देस राममंदिर प्राण प्रतिष्ठा तैं लेकैकि खुसी अर मतंग च। देसा मा जगा-जगा मंदिरु मा पूजा कर्यें जाणि च।
22 जनवरी खूणि राम मंदिर मा प्राण प्रतिष्ठा होलि। ऐ बारा सरकारन विचार कायी अर यु फैसला कायी की 22 जनवरी खूणि प्रदेस मा सबि सरकरि दप्तर, बैंक, कोषागार/ उपकोषागार अद्दा दिन बन्द राला। यांका दगड़ि सबि स्कूल, कॉलेज बन्द राला।
सरकार कु ऐ आदेश तैं लेकैकि सरकरि कर्मचारी नराज छन। कर्मचारी ब्वना छन कि अद्दा दिनकि छुट्टी कु क्या मतलब। उन्न बोलि पैलि सबि प्राण प्रतिष्ठा मा भाग ल्यायी अर वैका बाद द्वी बजिकि 30 मिनटा बाद दप्तर मा आला, जु ह्वे नीं सकदु।
उन्न सरकार से छुट्टी क बारा मा दुबरा विचार करणा खूणि बोलि अर 22 जनवरी 2024 खूणि सर्या दिन छुट्टी करणा मांग कायी।