मुख्यमंत्री धामी न ‘दीदी बैंणा’ नारी शक्ति महोत्सव मा भाग ल्यायी

दून। मुख्यमंत्री न आज पिथौरागढ़ मा उर्यूं ‘दीदी बैंणा’ नारी शक्ति कौथिग मा भाग ल्यायी।
ऐ मौका पर मुख्यमंत्री न 217.28 करोड़ रुप्यौं की 65 योजना, जैमा 37 योजना कु लोकार्पण अर 28 योजनौं कु शिलान्यास कायी।

ऐ मौका पर मुख्यमंत्री न आंवला घाट पेयजल योजना, फगाली गाड़ बिटि पनार पुळ तक सड़क , मोस्टामानू मंदिर कु सौंदर्यीकरण, नैनी सैनी बिटि जाजर देवल तक हॉटमिक्स सड़क अर नाली बणौंणा क घोषणा बि कायी।

मुख्यमंत्री न स्वयं सहायता समूहौं क लग्यां स्टालु तैं बि देखि। मुख्यमंत्री न धारचूला क दारमा, व्यास घाटी क वाइब्रेंट विलेज बिटि अयां ब्यटुलों क दगड़ि बागेश्वरी चरखी अर तकलीन ऊन बि काती।

मुख्यमंत्री धामी न रांच पारम्परिक विधि से कालीन अर फिरका अर बिंडा (मटका) से छाछ बि बण्यें अर सिलवटु मा लूण बि पिसी।

मुख्यमंत्रीन कार्यक्रम मा पौंच्छीं मा-बैंणि तैं बोलि अपणि जलमभूमि पिथौरागढ़ औंणा मि खूणि सदनि भावुक रैंद। उन्न बोलि हौरि जिलों क तरां अपणि जलम भूमि म औंण पर मा-बैंणि कु प्यार अर माया मिलदी।

मुख्यमंत्री न बोलि क पिथौरागढ़ क विकास खूणि प्रदेस सरकार पूरि कोसिस करणि च। उन्न बोलि कि पिथौरागढ़ मा मेडिकल कॉलेज जल्दी हि बणालु, उन्न बोलि यां खूणि सबि काम पूरा कै याली। कॉलेज खूणि 1 हजार से जादा पदु क भर्ति तैं कैबिनेट बिटि मंजूर बि मिलि ग्यायी।

मुख्यमंत्री न बोलि कि अबि कुछ दिन पैलि प्रधानमंत्री कु आदि कैलाश अर जागेश्वर धामा दर्शन करिन जै कारण कैलाश अर जागेश्वर धाम मा पर्यटकु क संख्या हौरि बढ़िग्यें।

कार्यक्रम मा विधायक बिशन सिंह चुफाल, विधायक फकीर राम टम्टा, जिला पंचायत अध्यक्ष दीपिका बोरा, राज्य मंत्री गणेश भंडारी, पूर्व मंत्री बलवंत सिंह भोरियाल अर बौत संख्या लोग छायीं।