चीला हादसा कु वीडिया ऐ समणि, साब, अगर एक झटका मा गिर जौला त . . . .
ऋषिकेश। 8 जनवररी खूणि चीला डैम मा जु हादसा ह्वे, वे हादसा कु वीडिया सोशल मीडिया मा खूब वायरल हूणूं च। वीडियो देखिकि या बात साफ ह्वैग्ये कि गाड़ी बौत तेज चलणि छायीं अर गाड़ी अर गाड़ी डरैबरा बस (नियंत्रण) बिटि भैर ह्वैग्यें।
वीडिया ट्रैल वाहन में लग्यूं कैमरा कु बत्यें जाणु च। वीडियो मा आवाज साफ सूंणे दींणि च अर यु साफ दिख्येणु च गाड़ी बौत तेज चलणि च। वीडिया मा कुछ अवाज साफ सूणें दींणि च, जैमा डैबर तैं गाड़ी तेज चलौंणा खूणि ब्वलें जाणु च, डरैबर यु ब्वलदु कि हमतैं क्वीं खतरा मौल नीं लिंणु! साब, अगर एक झटका मा गिर जौला त . . . .
कुछ देर बात जब सीधि सड़क आन्द त दुबरा आवाज सूणें दिन्द कि अब त सीधा सड़क च जैका बाद डैरबर ब्वळद कि एक्सीलेट करू अर वु गाड़ी क रफ्तार तेज कै दीन्द तब अचाणचक गाड़ी डरैबर क बस (नियंत्रण) बिटि भैर ह्वैग्यें अर गाड़ी सीधा एक डाळु से टकरै ग्यें।
अब डरैबर पर मुकदमा ह्वे ग्यायी अर जांच चलणि च। दुसर तरफां ऐ हादसा बाद कै सवाल खड़ा हूणां छन।