पार्टी कार्यक्रम म छौं पर म्यारू ज्यू त मूल निवास रैली म च : विनोद चमोली

देरादूण। 24 दिसम्बर खूंणि देरादूण म हूंयी मूल निवासा महारौली म कट ऑफ डेट 1950 कर्यें जाणा खूंणि अर कटुकुटु भू-कानून बणौंणा मांग ह्वै। प्रदेसम मूल निवास लागू करणा क मांग पर जख प्रदेसा राजनीतिक दल बयान दिंण से बचणा छन।

त बखि भाजपा क विधायक विनोद चमोलीन पार्टी क उर्यीं स्वाभिमान रैली कार्यक्रम मा बोलि की सब्यौं तैं झकोलि दे। उन्न बोलि मि भाजपा क पदयात्रा क कार्यक्रम म छौं पर म्यारू ज्यू त मूल निवास खूंणि हूंणि रैली म च।

भाजपा विधायक विनोद चमोली क ऐ बयानक चौछ्डि खूब चर्चा हूंणि च। लोग ऊंका ऐ बयान क तारिफ करणा छन।

ऐ मामलु मा कांग्रेस प्रदेस अध्यक्ष करण माहरा न बि विनोद चमोली क बयान क तारिफ कायी अर बोलि विनोद चमोली जु बयान द्यायी, वु बयान वीं आदिम दे सकदु , जु उत्तराखण्ड से पिरेम करदु।