म्वरयां मनखि क नौं पर बटे जाणु छायीं राशन, जांच म ऐ या बात समणि

हरद्वार। रुड़की म म्वरयां क नौं पर बटे जाणु छायीं नाज। जांच मा या बाद समिणि आणा क बाद ऐ मामला मा सूचना आयुक्त योगेश भट्ट न हरद्वार जिला खाद्य पूर्ति अधिकारी तैं आयोग म बुल्यें त क्षेत्रीय खाद्य पूर्ति अधिकारी तैं जांच रिपोर्ट पर स्पष्टीकरण क दगड़ बुल्यें।

रुड़की क रतनपुर कु रैवासी मुर्तजा न राशन विक्रेेेता तैं नाज बटंणा क बारा म जाणकारी सूचना अधिकारी अधिनियम जरिया मांगि छायी। नाज विक्रेता न जवाब म बोलि कि दस्तावेज हर्ची ग्यीं। यांका खिलाप मुर्तजा अपील कैकि राज्य आयोग मा ग्येन। आयोग म मामला म जांच क निर्देश दीन।

क्षेत्रीय खाद्य अधिकारी रुड़की न मामला म जांच कायी। उन अपणि रिपोर्ट म बतै कि 16 राशन कार्ड क जांच कर्ये ग्यायी। जैमा या बात समणि ऐ कि जिला खाद्य पूर्ति अधिकारी न क्वीं खास कारवै नीं कायी। प्रदेसा सूचना आयुक्त योगेश भट्टन मामला क सूण्यें क बाद आदेश द्यायी कि 20 दिसम्बरा सूण्यें म जिला पूर्ति अधिकारी आयोग मा अपणि हाजरी द्याला। वखि क्षेत्रीय खाद्य पूर्ति अधिकारी रुड़की बि अपणि जांच रिपोर्ट तैं लेकैकि आयोग क समणि हाजरी द्याला।

आयोग न या बात मानी कि विभाग न कार्ड वलों कु क्वी सत्यापन कु क्वीं बन्दबस्त नीं कायी। उन्न सूचना म देरी पर क्षेत्रीय खाद्य अधिकारी तैं बोलि कि 250 रुप्या एकदिना हिसाब से 25 हजार रुप्यौं कु जुरमानु लग्यें ज्यां। सूचना आयुक्त न या बात मानी कि अबि तक जांच म या बात त सै च कि म्वरयां लोगु क नौं पर राशन दियें जाणु छायीं, जु गलत च।