उत्तराखण्ड हि व जगा च जख द्यब्तौं क तागत अर विकास च : अमित शाह

देरादूण। उत्तराखण्ड ग्लोबल इन्वेस्टर्स समिट कु आज आखिरी दिन छायीं। आज ग्लोबल इन्वेस्टर्स समिट म केन्द्रीय गृहमंत्री अमित शाह न भाग ल्यायी।

ऐ मौका फर अमित शाह न प्रधानमंत्री मोदी अर धामी न खुब तारिफ कायी। उन्न बोलि कि 2027 तक भारत दुन्या क तीसरी बड़ी अर्थव्यवस्था बणलि। ऐ मौका फर उन्न उत्तराखण्ड क बि खुब तारिफ कायी। उन्न बोलि उत्तराखण्ड देस कु सबसे जुप्प (शांत) अर सुरक्षित प्रदेस च। यख उत्तराखण्ड म आई अर पर्यटना तोक मा बौत सम्भौवना छन।

अमित शाह न बोलि कि एक दशक क भितर हमन भारत देसा रैवासियों क आय तैं द्विगुणा कायी। देसा ज्वानु तैं दुन्या जगा देंणा कु काम कायी।

अमिन शाह न बोलि कि आज क्लाइमेट चेंज अर अर आतंकवाद मुक्त दुन्या कु नेतृत्व बि प्रधानमंत्री करणा छन। प्रधानमंत्री एक दूरदर्शी नेता छन। उन्न बोलि प्रधानमंत्री न बौत ऐतबार से बोलि कि 21 वीं सदी कु तिसरू दशक उत्तराखण्ड कु होलु। अमित शाह न बोलि बल जनकल्याण् क नीति अर इंवेस्टर फ्रेंडली एजेंडा क तोक म नौ साल म बौत काम हूयीं। या खूंणि मोदी तैं बौत-बौत बधै।

अमित शाह न बोलि कि सर्या दुन्या मा अगनै बढ़णा खूंणि भारत कु बगत ऐग्यें। सर्या दुन्या भारत जनै दय्खणि च। उन्न बोलि मेक इन इंडिया क जरिया देस तैं गति दियें जाणि च। इतगा बदलौव भारत मा हूयीं वु एक विजनरी लीडरशिप क कारण हूयां।

अमित शाह न बोलि कि सर्या देस जिम्मेबरि च कि गंगा जी कु उद्गम स्थल तैं हौरि कटकुटु कर्या। उन्न बोलि कि देस क केर म खाली हूंण गौ बटि पलायन तैं रवक्णा खूंणि इंफ्रास्ट्रक्चर तैं गति दियें जाणा चैंद, सबि तौक म काम हूंण च, यख भ्रष्टाचार मुक्त शासन च, जु इन्वेस्टमेंट खूंणि बौत जरूरी च।

अमित शाहन बोलि कि उत्तराखण्ड हि व जगा च जख द्यब्तौं क तागत च अर विकास बि च अर अब मुख्यमंत्री धामी न यांक दगड़ मा परफार्मेस बि जोड़ि द्यायी।