मुख्यमंत्री तैं मिलकैकि काम कारण पर च भरोसु . . . .

निवेशक सम्मेलना जरिया ढाई लाख करोड़ रुप्यौं कु निवेश कु लक्ष्य हासिल करणु बडु काम च। अर यु कठिण काम टोलि बण्यें की ही कर्ये जै सकदु। मुख्यमंत्री एक अच्छा लीडर छन। वु जणदा छन कि एक दगड़ औंणु एक अच्छी ‘सुरुआत’ च, मिलकैकि रैंणु अगनै बढ़णा की अर एक दगड़ि मिलकैकि काम करणु सफलता कु भरोसु च।

यीं वु कारण च कि मुख्यमंत्री न अपड़ि पूरि कैबिनेट तैं ‘ग्लोबल इन्वेस्टर्स समिट’ क तय्यरि म लग्यूं च। देसा सैरू म हूयां या विदेसु मा उर्यें जाण वला रोड शो अर सम्मेलनु म धामी टोलि एकजुट नजर आणु च।

मुख्यमंत्री धामी क काम करण कु तरीका देखिकि इन्न लगणु च कि ऊथैं ‘वन मैन आर्मी’ क सिद्धान्त पर भरासु नी च। एकजुट ह्वैकैकि काम करण पर ऊतैं पूरू भरोसु च। अबि धामी सरकार कु फोकस दिसम्बरा मैना मा हूंण वलु ‘ग्लोबल इन्सेस्टर्स समिट’ क तय्यरि पर च। निवेश कु लक्ष्य बौत बडु च। मुसकिल जरूर च पर नीहूंणा (नामुमकिन) नी च। धामी ये निवेशक सम्मेलन तैं अगनै रै कि देय्खणा छन। दिल्ली म हूयां कर्टन रेजर बटि देस अर विदेश म उर्यां ‘रोड शो’ म मुख्यमंत्री सामिल छायीं। यामा खास बात या छायीं कि लैक अधिकारी अर ऊंका कैबिनेटा दगड़या सबि समिटा प्रचार मा लग्यां छायीं।

धामी जब दुबई क उद्योगपति अर कारोबारियौं तैं न्यूतणा छायीं तब ऊंका दगड़ मा कैबिनेट मंत्री डॉ. धन सिंह रावत छायीं। डॉ. धन सिंह रावत कै बि मनखि तैं समझौंणा क्षमता रखदन।

यांका बाद मुख्यमंत्री जब चेन्न्ई ग्यीं तब ऊंका रोड शो मा सतपाल महाराज अर सौरभ बहुगुणा ऊंका दगड़ मा छायीं। कारोबारियौं क सम्मेलन मा सौरभ बहुगुणा कु भाषण बौत अच्छु छायीं। सर्या दुन्या घूमयां सतपाल महाराज न वख निवेशकु तैं बतै कि ऊतैं निवेश करणा खूंणि उत्तराखण्ड म किलै औंण चैंद। उन्न उत्तराखण्ड खास पछ्याणा बारा म सबि निवेशकु तैं बतै।

बैंगलौर म कैबिनेट मंत्री सुबोध उनियाल अर रेखा आर्य न निवेशकु तैं उत्तराखण्डा नीति क बारा मा बतै। उन देवभूमि क हवा-पाणि, अवस्थापना विकास, स्थिर सरकार अर सस्ती मैन पॉवर क बारा बि बोलि।

मुख्यमंत्री धामी न सुबोध उनियाल अर रेखा आर्य क दगड़ बैंगलौर नी जै साका। यांका बाद बि द्वियां मंत्रियौं न अपड़ि जिम्मेबरि खूब निभै। अब धामी प्रेमचन्द्र अग्रवाला दगड़ अहमदाबाद म छन।

मुख्यमंत्री धामी क या रणनीति बौत अच्छी च। उन्न अपड़ा कैबिनेट मंत्रियौं तैं समिटा ब्रैंडिंग खूंणि अगनै कायीं जौका विभागु म जादा निवेश औंणा उमेद च। जन्न पर्यटन, खेल, कृषि, पशुपालन, अवस्थापना विकास, शिक्षा अर स्वास्थ्य।